Eriksson hættur með landslið Fílabeinsstrandarinnar (Staðfest)

Eriksson tók við landsliði Fílabeinsstrandarinnar í mars og kom liðinu á heimsmeistaramótið í Suður Afríku, en lenti í sannkölluðum dauðariðli og tókst ekki að koma þeim upp úr riðlinum. Talið var að hann myndi taka pokann sinn eftir mótið en hann greindi síðan sjálfur frá því að nýr fjögurra ára samningur væri í bígerð.

Sory Diabete hjá knattspyrnusambandi Fílabeinsstrandarinnar að ekkert verði úr þeim samningi.

„Eriksson verður ekki áfram þjálfari Fílabeinsstrandarinnar. Hann var fyrsta valið en viðræðurnar urðu að engu þegar kom að peningamálunum, þrátt fyrir mikinn vilja beggja aðila,“ sagði Diabete.

„Ég vil enn og aftur þakka Eriksson fyrir frábært starf sem hann vann við landsliðið á heimsmeistaramótinu.“

Fílabeinsströndin mætir Ítalíu í vináttuleik í London þann 10. ágúst og vonast þeir til að vera komnir með staðgengil fyrir þann tíma.