Ítalía: Kærkominn sigur Juventus - Vlahovic með mark og stoðsendingu

Juventus hefur ekki farið vel af stað í ítölsku deildinni en liðið tók á móti Bologna í dag. Liðið var með 10 stig eftir sjö leiki í 10. sæti fyrir leikinn í kvöld.

Juventus sigraði leikinn með þremur mörkum gegn engu. Dusan Vlahovic átti stórann þátt í því.

Hann sá til þess að liðið var með 1-0 forystu í hálfleik með því að leggja upp á Filip Kostic. Hann skoraði síðan sjálfur áður en Arkadiusz Milik gulltryggði sigurinn.

Liðið er því komið upp í 7. sæti deildarinnar en þetta var fyrsti sigur liðsins í síðustu fimm leikjum í deildinni.