03.08.10 - 06:00
Alexander Freyr Tamimi
Rafael Marquez í New York Red Bulls (Staðfest)
Rafael Marquez og Thierry Henry eru nú báðir leikmenn New York Red Bulls.
Mynd: Getty Images
Rafael Marquez og Thierry Henry eru nú báðir leikmenn New York Red Bulls.
Mynd: Getty Images
Mexíkóski landsliðsmaðurinn Rafael Marquez hefur gengið til liðs við New York Red Bulls frá Barcelona og fetar hann þar með í fótspor Thierry Henry, sem fór sömu leið fyrir skömmu.
Marquez hefur spilað seinustu sjö ár með Barcelona en þar áður var hann á mála hjá Monaco í frönsku úrvalsdeildinni. Leikmaðurinn var orðaður við ýmis félög í Evrópu en ákvað að lokum að halda til Bandaríkjanna og er félagið í skýjunum með að hafa náð að bæta honum í hópinn.
„Rafael hefur sýnt það með bæði félagsliðum sínum og landsliði að hann er einn af betri leikmönnum heims,“ sagði Dietmar Beiersdorfer, forseti Red Bull Global Soccer, í yfirlýsingu.
„Við erum himinlifandi með að hann hafi ákveðið að koma til New York Red Bulls á þessum tíma ferilsins.“
Sjálfur var Marquez mjög sáttur við ákvörðun sína og hlakkar hann til að spila í Bandaríkjunum.
„Að koma til New York og spila í MLS-deildinni var tækifæri sem ég gat ekki látið ganga mér úr greipum,“ sagði Marquez.
„Ég ætla að gera mitt allra besta til að hjálpa Red Bulls í baráttunni um sæti í úrslitakeppninni í ár og berjast um titla næstu ár.“
„Rafael hefur sýnt það með bæði félagsliðum sínum og landsliði að hann er einn af betri leikmönnum heims,“ sagði Dietmar Beiersdorfer, forseti Red Bull Global Soccer, í yfirlýsingu.
„Við erum himinlifandi með að hann hafi ákveðið að koma til New York Red Bulls á þessum tíma ferilsins.“
Sjálfur var Marquez mjög sáttur við ákvörðun sína og hlakkar hann til að spila í Bandaríkjunum.
„Að koma til New York og spila í MLS-deildinni var tækifæri sem ég gat ekki látið ganga mér úr greipum,“ sagði Marquez.
„Ég ætla að gera mitt allra besta til að hjálpa Red Bulls í baráttunni um sæti í úrslitakeppninni í ár og berjast um titla næstu ár.“
Heimild: Sky
