Emil í leiknum gegn Tyrkjum í júní.
„Ég er að æfa með FH og hef gert það í allt sumar. Þeir byrjuðu að geta eitthvað eftir að ég fór að æfa með þeim," sagði Emil Hallfreðsson léttur í bragði fyrir landsliðsæfingu í dag.
Emil er án félags í augnablikinu en samningur hans hjá Udinese rann út í sumar. „Ég er búinn að æfa vel og er duglegur. Ég er ánægður með standið á mér og það er allt í orden," sagði Emil.
„Ég er í betra standi núna en í júní þegar ég spilaði 90 mínútur gegn Tyrkjum. Þá var maður að koma til baka eftir meiðsli. Mér líður miklu betur líkamlega núna. Ég held það skipti ekki miklu máli þó ég væri búinn að spila nokkra undirbúningsleiki."
Emil er án félags í augnablikinu en samningur hans hjá Udinese rann út í sumar. „Ég er búinn að æfa vel og er duglegur. Ég er ánægður með standið á mér og það er allt í orden," sagði Emil.
„Ég er í betra standi núna en í júní þegar ég spilaði 90 mínútur gegn Tyrkjum. Þá var maður að koma til baka eftir meiðsli. Mér líður miklu betur líkamlega núna. Ég held það skipti ekki miklu máli þó ég væri búinn að spila nokkra undirbúningsleiki."
Emil vonast til að semja við nýtt félag á Ítalíu á næstu vikum. Þar sem hann er samningslaus má hann semja þó að félagaskiptaglugginn á Ítalíu hafi lokað í gærkvöldi.
„Það er ekkert komið á hreint með það. Ég ákvað að leggja þetta til hliðar þegar landsliðsverkefnið er í gangi. Ég ætla að setja hausinn á þessa tvo leiki og sjá síðan hvað gerist," sagði Emil.
Hér að ofan má sjá viðtalið í heild sinni.
Athugasemdir
