Hjörtur Hermannsson kom inn í hægri bakvörðinn í íslenska landsliðinu í sigrinum á Albaníu og Tyrklandi í júní. Reikna má með að Hjörtur verði áfram á sama stað gegn Moldavíu á laugardag.
„Maður vill spila með landsliðinu. Sama hvaða staða það er. Það var gaman að fá tækifæri og vonandi verður framhald á því," sagði Hjörtur vð Fótbolta.net fyrir æfingu í dag.
Hjörtur hefur verið fastamaður í byrjunarliði Bröndby í byrjun tímabils í Danmörku og mest spilað í hjarta varnarinnar.
„Ég spilaði reyndar síðasta leik í hægri bakverði og það var fínt að fá einn leik fyrir þetta verkefni. Maður er klár í það sem koma skal," sagði Hjörtur sem er spenntur fyrir leiknum gegn Moldavíu.
„Við þurfum að ná í eins mörg stig og við getum heima. Að sjálfsögðu verður þetta ekki auðveldur leikur en við þurfum að ná í eins mörg stig og við getum."
Hér að ofan má sjá viðtalið í heild sinni.
Athugasemdir