Brendan Rodgers, stjóri Leicester, hefur kallað eftir því að stuðningsmenn liðsins fari ekki heim af leikjum áður en flautað er til leiksloka.

Kelechi Iheanacho tryggði Leicester sigur á Everton í viðbótartíma á sunnudag en þá voru nokkrir stuðningsmenn farnir úr stúkunni.

„Skilaboð mín eru: Stuðningsmenn, ekki fara snemma heim," sagði Rodgers. „Þetta er lið sem heldur áfram hvort sem staðan er 9-0 eða 1-1. Það er gott þol í liðinu og gott hugarfar."

„Þetta pirraði mig ekki (að stuðningsmenn fóru fyrr heim) en ég vil hafa þá lengur. Ég veit að það getur verið traffík á leiðinni heim en þetta lið heldur alltaf áfram til leiksloka."

„Stuðningsmennirnir eiga ekki að vera í vafa um að þetta sé búið í stöðunni 1-1. Ég er ekki viss hvort einhver hafi farið heim í stöðunni 9-0 gegn Southampton en ekki fara heim í 1-1. Við höldum áfram til leiksloka."

Tweet

Senda a Facebook Hafdu samband Senda frétt Prenta frétt Frétta leit