Marotta: Einn af efnilegustu þjálfurum heims

Inter vann ítölsku deildina þægilega og er komið í úrslitaleik bikarsins en lenti í vonbrigðum í Meistaradeildinni þar sem liðið var afar óvænt slegið út af norsku risabönunum í Bodö/Glimt.

„Hann getur og verður að vera við stjórnvölinn hjá Inter næstu árin, hann býr yfir frábærum eiginleikum. Ég tel hann vera rétta þjálfarann til að leiða félagið áfram... kannski verð ég farinn frá Inter á undan honum!" sagði Marotta, sem réði Chivu sem arftaka fyrir Simone Inzaghi síðasta sumar.

„Það var hugrakkt að ráða hann í starfið en við hugsuðum okkur vel og lengi um. Okkur leið eins og hann væri með fullkomna eiginleika til að stýra liðinu eftir að hafa spilað fyrir Inter sem leikmaður, við höfðum engar efasemdir um hæfileika hans. Eina neikvæða var reynsluleysið hans."

Chivu stýrði unglingaliðum Inter frá 2018 til 2024 áður en hann tók við hjá Parma í febrúar 2025 og bjargaði liðinu frá falli úr Serie A.

„Ég er hissa að sjá hvað fólk er hissa yfir því hversu góður þjálfari Chivu er. Við sýndum hugrekki með að fara gegn því sem fjölmiðlar og fótboltasérfræðingar sögðu.

„Hann á bara eftir að verða betri þjálfari með reynslunni sem er að öðlast. Ég tel hann vera einn af efnilegustu þjálfurum fótboltaheimsins í dag."