Valur tekur á móti KR í úrslitaleik Bose mótsins í dag. Leikurinn fer af stað klukkan 17:30 og verður spilað á Origo vellinum á Hlíðarenda.
Íslandsmeistarar KR rúlluðu upp riðlinum sínum og lögðu FH, Víking R. og Gróttu að velli til að enda með 9 stig.
Valur endaði með 7 stig eftir 2-0 sigur gegn KA í lokaumferðinni. Valsarar lögðu Stjörnuna einnig að velli en gerðu jafntefli við Breiðablik.
Úrslitaleikurinn verður gríðarlega spennandi enda tvö lið að mætast sem hafa unnið Pepsi Max-deildina með yfirburðum síðustu tvö ár.
Leikur dagsins:
17:30 Valur - KR (Origo völlurinn)
Athugasemdir