Manchester United þarf að borga Sporting Lisbon 4,2 milljónir punda ef Bruno Fernandes verður valinn leikmaður tímabilsins.
The Times greinir frá þessu en Fernandes hefur átt afar gott tímabil og er lykilmaður í liði Man Utd sem er í öðru sæti.
Portúgalinn hefur skorað 22 mörk og lagt upp önnur 12 í öllum keppnum og þykir líklegur til að vinna þessi verðlaun.
Samkvæmt Times er klásúla í samningi Fernandes sem þýðir að Man Utd þyrfti að borga Sporting rúmar fjórar milljónir.
Miðjumaðurinn kom til enska liðsins í janúar 2020 og kostaði þá 46,6 milljónir punda.
Nokkrar klásúlur fylgdu þessum félagaskiptum og hefur Man Utd einnig borgað 4,2 milljónir aukalega eftir 25. byrjunarliðsleik Fernandes.
Athugasemdir