Argentínski miðvörðurinn Marcos Senesi er búinn að skrifa undir fjögurra ára samning við Tottenham Hotspur. Fabrizio Romano greinir frá þessum tíðindum á X.
Tottenham náði samkomulagi við Senesi fyrir nokkrum vikum eftir að ljóst varð að hann yrði ekki áfram hjá Bournemouth.
Samningur hans við Bournemouth rennur út um mánaðamótin og mun hann í kjölfarið ganga í raðir Tottenham.
Hann stóðst læknisskoðun í dag og skrifaði svo undir fjögurra ára samning við Tottenham.
Varnarmaðurinn hefur spilað með Bournemouth síðustu fjögur ár en áður lék hann með Feyenoord og San Lorenzo. Hann átti stóran þátt í að koma Bournemouth í Evrópudeildina fyrir næstu leiktíð.
Senesi verður annar leikmaðurinn sem Tottenham fær á frjálsri sölu í vikunni á eftir Andy Robertson, sem kom til félagsins frá Liverpool.
?????? Tottenham have completed their double free agent signings as planned since April.
— Fabrizio Romano (@FabrizioRomano) June 6, 2026
After Andy Robertson, Marcos Senesi joins on a four year deal until June 2030 — never in doubt, no chance for hijacks as Marcos said yes to Spurs weeks ago.
Medical done today. #THFC ???? pic.twitter.com/NWUWnpNRM7
