Yngri bróðir Santa Cruz til Blackburn (Staðfest)

Roque Santa Cruz sló í gegn hjá Blackburn á síðustu leiktíð og núna hefur yngri bróðir hans einnig komið til félagsins.

Julio, sem er 18 ára gamall, hefur gert þriggja ára samning og munu félagaskiptin ganga í gegn á næstunni.

Julio lék með Cerro Porteno í Paragvæ en hann hefur verið á reynslu hjá Blackburn í sumar og mun væntanlega vera í varaliði félagsins fyrst um sinn.

,,Ég er mjög ánægður með að vera hér hjá Blackburn, þetta verður ótrúlegt ævintýri fyrir mig,\" sagði Julio við heimasíðu Blackburn.