Sjötta sætið aldrei verið mikilvægara

Aston Villa vann Nottingham Forest, 4-0, og flaug áfram í úrslit Evrópudeildarinnar.

Fimmta sætið á Englandi gefur þátttöku í Meistaradeildina, en ef Villa hafnar í því sæti og vinnur Evrópudeildina mun sjötta sæti ensku úrvalsdeildarinnar gefa farseðil í Meistaradeildina.

Villa er sigurstranglegra en Freiburg í úrslitaleik Evrópudeildarinnar sem fer fram í Istanbúl í Tyrklandi eftir þrettán daga, en allt getur svo sem gerst í úrslitaleikjum.

FootballMeetsData segir yfirgnæfandi líkur á því að Villa hafni í 5. sæti úrvalsdeildarinnar og taki Evrópudeildartitilinn sem gefur liðum á borð við Bournemouth, Brentford, Brighton, Everton og Chelsea von á Meistaradeildarsæti.

Þrjár umferðir eru eftir af úrvalsdeildinni og er baráttan hörð um sjötta sætið. Bournemouth situr í 6. sæti með 52 stig, Brentford í 7. sæti með 51 stig og síðan koma Brighton, Everton og Chelsea næst á eftir með 48 stig.

Á síðasta ári voru sex úrvalsdeildarlið í deildarkeppni Meistaradeildarinnar. England fékk fimm sæti í gegnum deildina og þá vann Tottenham Evrópudeildina, en hafnaði í 17. sæti deildarinnar.

???? It may never have been more important to finish 6th in ???????????????????????????? EPL!

???? 6th team in ???????????????????????????? EPL will qualify for ???? UCL if:

?? Aston Villa win ???? UEL ???? 70% chance
?? Aston Villa finish exactly 5th ???? 58% chance

Looking individually, both scenarios are more likely to happen than not! pic.twitter.com/qRUMEqLMVG

— Football Meets Data (@fmeetsdata) May 7, 2026