Andy Johnson til Fulham (Staðfest)

Þessi fyrrum leikmaður Crystal Palace átti bara eftir að fara í læknisskoðun, en hefur nú staðist hana.

Í læknisskoðuninnni var talið að gömul meiðsli í hné hefðu tekið sig upp og það tafði samningaviðræður.

Fulham voru sagðir ætla að borga tólf milljónir punda fyrir Johnson, en þeir borga 10, 5 milljónir fyrir hann.

Johnson skrifaði undir fjögurra ára samning við félagið og var Roy Hodgson, knattspyrnustjóri Fulham hæstánægður með að hafa fengið hann..

,,Ég hef gefið það í ljós að ég vildi bæta Andy Johnson við hópinn minn hjá Fulham. Ég tel að hæfileikar hans geti nýst okkur vel í baráttunni á næsta tímabili og ég er meira en ánægður með að hafa fengið hann til margra ára,\" sagði Hodgson við opinbera heimasíðu félagsins.