Njarðvíkingar unnu 2-0 heimasigur gegn Fylki í stórleik umferðarinnar í Lengjudeildinni. Þetta var fyrsti sigur Njarðvíkinga sem eru með fjögur stig að loknum þremur umferðum.
Fylkismenn höfðu unnið fyrstu tvo leiki sína í mótinu.
Fylkismenn höfðu unnið fyrstu tvo leiki sína í mótinu.
Lestu um leikinn: Njarðvík 2 - 0 Fylkir
„Leikurinn var í jafnvægi en svo var Birkir rekinn af velli, sem ég held að hafi verið hárréttur dómur. Það sem olli mér vonbrigðum var hvernig við brugðumst við. Þú getur alltaf lent í því að maður sé rekinn af velli en menn hættu að vilja fá boltann og það var lítil hreyfing. Mér fannst við aldrei reyna, því miður," segir Heimir Guðjónsson, þjálfari Fylkis.
Fylkir missti mann af velli á 26. mínútu þegar Birkir Eyþórsson fékk rauða spjaldið en þá var staðan markalaus.
„Þegar það kemur mótlæti þá þurfa menn að vera tilbúnir að takast á við það, mér fannst það ekki vera þannig í kvöld."
