Líklegt byrjunarlið Íslands - Mikilvægir leikmenn fjarverandi

Þar sem Ingibjörg dettur út þá mun Guðrún Arnardóttir pottþétt koma inn í miðvörðinn, sína náttúrulegu stöðu, en hún hefur mest verið að spila í hægri bakverði hjá landsliðinu upp á síðkastið. Við spáum því að Arna Eiríksdóttir, sem er náttúrulegur miðvörður, komi inn í hægri bakvörðinn í staðinn en hún hefur verið í stóru hlutverki hjá Vålerenga í Noregi og spilar þar í þriggja manna vörn.

Vinstra megin er Sædís Rún fastamaður og enginn augljós kostur í hennar stað. VIð spáum því að María Catharina Ólafsdóttir Gros fái tækifæri í hennar stað.

Miðjan er augljós en fremstu þrír eru kannski smá spurningamerki. Sandra María hefur verið að byrja fremst en hún er meidd. Sveindís Jane Jónsdóttir og Thelma Karen Pálmadóttir byrja líklega á köntunum og þá er bara spurning hver verður nían. Hlín Eiríksdóttir, systir Örnu, er þar líklegasti kosturinn en hún hefur verið að spila vel frá því hún gekk í raðir Malmö.

Leikurinn á morgun hefst 16:45 og verður í beinni textalýsingu hér á Fótbolta.net.