Potter kynntur hjá West Ham (Staðfest)

Graham Potter er nýr stjóri West Ham.

Mynd: EPA

Graham Potter er nýr stjóri West Ham.

Mynd: EPA

Hinn 49 ára gamli Graham Potter hefur skrifað undir tveggja og hálfs árs samning sem stjóri West Ham. Hann tekur við af Julen Lopetegui sem var rekinn í gær, eftir sex mánuði við stjórnvölinn.

Potter, sem var síðast hjá Chelsea áður en hann var rekinn í apríl 2023, tekur við West Ham í 14. sæti ensku úrvalsdeildarinnar. Liðið er bara með sex sigra og er sjö stigum frá fallsvæðinu.

„Ég er hæstánægður með að vera hér. Það var mikilvægt fyrir mig að bíða þar til rétta starfið byðist. Það er tilfinning mín að þetta passi fyrir báða aðila. Viðræður mínar við stjórnarformanninn og stjórnina hafa verið mjög jákvæðar og uppbyggjandi," segir Potter.

„Við deilum sömu sýn á verðmæti mikillar vinnu og hás orkustigs sem grunn að því að ná árangri. Við erum á sömu bylgjulengd þegar kemur að því hvað þarf, bæði til stutts og langs tíma."

Potter er fyrrum stjóri Östersund, Swansea og Brighton. Hann var orðaður við enska landsliðsþjálfarastarfið áður en Thomas Tuchel var ráðinn. Fyrsti leikur West Ham undir hans stjórn verður bikarleikur gegn Aston Villa á morgun og síðan verður deildarleikur gegn Fulham á þriðjudaginn.

Ready to get started ???? pic.twitter.com/AL21dQwFOL
— West Ham United (@WestHam) January 9, 2025

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7