Aron Már, Ari Páll, Örn Rúnar og Vigfús Geir í Hamar (Staðfest)

Aron Már kemur frá Haukum en þessi 27 ára gamli framherji var mikið meiddur í fyrra og lék einungis einn leik í fyrstu deildinni. Aron Már lék lengi með Njarðvík áður en hann fór í Breiðablik árið 2009. Hann skoraði síðan tíu mörk í fyrstu deildinni 2010 þegar hann var á láni hjá Fjarðabyggð.

Ari Páll kemur á láni frá Fylki en þessi tvítugi leikmaður getur leikið sem miðvörður og bakvörður.

Örn Rúnar kemur á láni til Hamars frá FH. Örn Rúnar lék með ÍH í annarri deildinni í fyrra en hann spilar sem miðju og kantmaður.

Vigfús Geir er kominn aftur til Hamars eftir að hafa leikið með HK síðari hluta tímabils í fyrra en þessi 22 ára gamli varnar og miðjumaður á 40 leiki að baki með Hvergerðingum.

Hamar hefur leik í B deild Lengjubikarsins þegar liðið mætir Njarðvík í dag en allir þessir leikmenn verða með þar.