Sidwell til Aston Villa (Staðfest)

Chelsea samþykkti tilboðið frá Villa í gær og Sidwell gekkst undir læknisskoðun hjá félaginu í gær sem hann stóðst. Hann skrifar undir þriggja ára samning við Villa.

Sidwell gekk til liðs við Chelsea síðasta sumar á frjálsri sölu frá Reading en hann fékk ekki mörg tækifæri eftir að Jose Mourinho var rekinn og Avram Grant tók við.

Hann er fyrstu kaup Martin O\'Neill í sumar en hann mun hitta liðsfélaga sína á næstu dögum í Sviss þar sem þeir eru i æfingabúðum og leika tvo æfingaleiki.

„Ég er í skýjunum með að vera kominn hingað. Þetta hefur tekið sinn tíma en ég get ekki beðið eftir að hefja æfingar og spila leiki. Eftir að talað við knattspyrnustjórann og formanninn um þeirra framtíðaráform, þá sé ég að þeir ætla sér stóra hluti og reyna að komast í topp fjögur sætin,\" sagði Sidwell eftir að hafa skrifað undir.