Kristinn Freyr Sigurðsson í Stjörnuna (Staðfest)

Kristinn, sem er 16 ára gamall gerir samning við Stjörnuna út tímabilið, en þetta staðfesti hann í samtali við Fotbolta.net í dag.

Kristinn er öflugur sóknarmiðjumaður sem mun koma til með að æfa og spila með meistaraflokki liðsins.

Hann lék með meistarflokk Fjölnis á undirbúningstímabilinu, en meiddist síðan í lok maí og hefur verið frá þangað til í byrjun júlí þegar hann hóf æfingar að nýju.

Hann hefur leikið einn leik í 1.deild karla, en þá kom hann inná í 5-2 tapi gegn Grindavík í fyrrasumar.

Þá hefur hann verið í úrtakshóp U-19 ára landsliðsins, og hefur spilað tvo leiki fyrir U-17 ára landsliðið.