11.01.25 - 11:00
Brynjar Ingi Erluson
Skotmark Liverpool og Man Utd fær ekki að fara í þessum glugga
Mynd: Getty Images
Mynd: Getty Images
Ungverski vinstri bakvörðurinn Milos Kerkez mun klára tímabilið með Bournemouth en þetta segir enski vefmiðillinn Mirror í dag.
Þessi 21 árs gamli leikmaður hefur heillað alla upp úr skónum á þessu tímabili.
Hann hefur gefið þrjár stoðsendingar og gert eitt mark í tuttugu leikjum sínum í ensku úrvalsdeildinni og átt stóran þátt í góðum árangri Bournemouth.
Erkifjendurnir Liverpool og Manchester United eru sögð horfa hýru auga til Kerkez og vilja þau bæði landa honum í þessum mánuði, en Mirror segir það útilokað.
Bournemouth, sem festi á dögunum kaup á argentínska vinstri bakverðinum Julio Soler frá Lanus, ætlar ekki að leyfa Kerkez að fara í þessum glugga og verður það því í fyrsta lagi mögulegt í sumar.
Kerkez er ein af fjórum stjörnum Bournemouth sem mega ekki fara undir neinum kringumstæðum en þeir Dean Huijsen, Antoine Semenyo og Illia Zabarnyi eru hinar þrjár stjörnurnar.
Liverpool er í leit að vinstri bakverði til þess að berjast við Andy Robertson um stöðuna en staðan hefur einnig verið stórt vandamál hjá Man Utd síðustu ár.
Hann hefur gefið þrjár stoðsendingar og gert eitt mark í tuttugu leikjum sínum í ensku úrvalsdeildinni og átt stóran þátt í góðum árangri Bournemouth.
Erkifjendurnir Liverpool og Manchester United eru sögð horfa hýru auga til Kerkez og vilja þau bæði landa honum í þessum mánuði, en Mirror segir það útilokað.
Bournemouth, sem festi á dögunum kaup á argentínska vinstri bakverðinum Julio Soler frá Lanus, ætlar ekki að leyfa Kerkez að fara í þessum glugga og verður það því í fyrsta lagi mögulegt í sumar.
Kerkez er ein af fjórum stjörnum Bournemouth sem mega ekki fara undir neinum kringumstæðum en þeir Dean Huijsen, Antoine Semenyo og Illia Zabarnyi eru hinar þrjár stjörnurnar.
Liverpool er í leit að vinstri bakverði til þess að berjast við Andy Robertson um stöðuna en staðan hefur einnig verið stórt vandamál hjá Man Utd síðustu ár.
