Ngumoha dreymir um að feta í fótspor Kane

Kane varð fyrsti Englendingurinn í 25 ár til að hreppa þessi eftirsóttu verðlaun.

Hann hlaut þau fyrir magnaða frammistöðu með Bayern München og enska landsliðinu og var fyllilega verðugur sigurvegari.

Ngumoha, sem er aðeins 18 ára gamall, segir árangur Kane hafa veitt sér mikinn innblástur og dreymir sjálfan um að vinna Ballon d'Or einn daginn.

„Þetta hefur hjálpað enskum fótbolta því nú hafa allir séð enskan leikmann vinna Ballon d'Or. Það hvetur fleiri til að stefna að því að verða besti leikmaður heims. Ég vil sjálfur ná þeim árangri og trúi því að ég geti það.“

„Ég hef ekki talað mikið við hann. Þegar ég kom fyrst inn í landsliðshópinn var ég frekar feiminn og hélt mig mikið út af fyrir mig. En þegar ég fór að verða hluti af hópnum fékk ég tækifæri til að fylgjast með honum og hinum á æfingum.“

„Það var sérstaklega magnað að fylgjast með honum á skotæfingum og sjá hvernig hann klárar færin sín. Þá skilur maður af hverju hann vann þessi verðlaun og hvers vegna hann er besti framherji og besti leikmaður heims.“

„Hann er klárlega mikil fyrirmynd fyrir mig, en líka fyrir alla unga leikmenn og enska fótboltamenn almennt. Hann er líka frábær náungi,“ sagði Ngumoha.