Hallgrímur Jónasson, þjálfari KA.
„Þetta var hörkuskemmtilegur leikur," sagði Hallgrímur Jónasson, þjálfari KA eftir 2-3 tap gegn Stjörnunni í fyrstu umferð Bestu deildarinnar í dag.
„Við fáum á okkur ódýrt mark eftir 2-3 mínútur og það sló okkur út af laginu. Stjarnan var betri fyrstu 20-25 mínúturnar. Síðan náum við aðeins að leysa það og mér fannst við smám saman taka yfir leikinn."
„Við fáum á okkur ódýrt mark eftir 2-3 mínútur og það sló okkur út af laginu. Stjarnan var betri fyrstu 20-25 mínúturnar. Síðan náum við aðeins að leysa það og mér fannst við smám saman taka yfir leikinn."
Lestu um leikinn: KA 2 - 3 Stjarnan
„Það er mjög svekkjandi sem ég heyri að markið okkar sé löglegt í 1-1. Það er dæmd rangstaða og þeir fara upp og skora 2-0 fljótlega eftir það. Við komum til baka og mér fannst við mjög flottir. Eftir leikinn; við erum með 22 skot gegn tíu, erum með hærra xG og erum með níu horn á móti þremur. Við stóðum okkur mjög vel á móti góðu liði en það er svekkjandi að tapa."
Hallgrímur segir Arnar Þór Stefánsson, dómara, hafa haft góð tök á leiknum en það sé pirrandi ef löglegt mark var tekið af þeim.
„Svona gerist bara, ég nenni ekki að kvarta yfir því. Ég er virkilega ánægður með frammistöðu okkar á móti liði sem er spáð í efstu tveimur sætunum. Ég er ánægður með það en svekktur að fá núll stig."
Allt viðtalið í spilaranum má sjá hér að ofan.
