Willum Þór Willumsson lék allan leikinn í liði BATE Borisov sem sigraði Dinamo Minsk í bikarnum í Hvíta-Rússlandi.

BATE vann 3-2 á heimavelli eftir að hafa unnið fyrri leikinn á útivelli. Samanlagt 5-3 sigur.

Willum Þór átti stóran þátt í fyrsta marki BATE í leiknum og þótti spila mjög vel.

Heimamenn í BATE lentu tvisvar undir í fyrri hálfleik en staðan var jöfn 2-2 í leikhlé. Heimamenn skoruðu eina markið í síðari hálfleik og stóðu uppi sem sigurvegarar.

BATE er komið í undanúrslit bikarsins ásamt Slavia Mozyr, Shakhtyor Soligorsk og sigurvegaranum úr viðureign Isloch Minsk gegn Brest.