Brynjar Orri og Aron í Leikni á láni frá KR (Staðfest)

Brynjar Orri var í láni hjá Víkingi R. síðastliðið sumar þar sem hann skoraði þrjú mörk í átján leikjum í 1.deildinni og Visa-bikarnum.

Þessi 21 árs gamli framherji er bróðir Theódórs Elmars Bjarnasonar, leikmanns Lyn og íslenska landsliðsins.

Aron er 19 ára gamall vinstri bakvörður en hann lék þónokkuð með KR á undirbúningstímabilinu. Hann lék upp yngri flokkana með KS en fór síðan til KA áður en hann hélt í KR árið 2007.

Leikmennirnir gætu leikið sinn fyrsta leik með Leikni R. annað kvöld en þá sækir liðið Skagamenn heim.