Þýska félagið RB Leipzig er búið að festa kaup á afar efnilegum miðjumanni sem var gríðarlega eftirsóttur í fyrra, þegar öll stærstu lið Evrópu voru orðuð við hann.
Sá heitir Assan Ouédraogo og kemur úr röðum Schalke, þar sem hann kom að fimm mörkum í 17 leikjum í næstefstu deild þýska boltans á síðustu leiktíð.
Leipzig borgar 10 milljónir evra fyrir Ouédraogo, sem á 23 leiki að baki fyrir U17 og U16 landslið Þýskalands.
Ouédraogo er 18 ára gamall og skrifar undir fimm ára samning við Leipzig, eftir að hafa meðal annars verið orðaður við Liverpool, FC Bayern og Manchester United í fyrra.
Assan Ouédraogo wird ein Roter Bulle! ??
— RB Leipzig (@RBLeipzig) June 13, 2024
Der Mittelfeldspieler wechselt zur Saison 2024/25 zu RB Leipzig. Der 18-Jährige erhält einen Fünfjahresvertrag bis 2029.
Athugasemdir