14.07.08 - 16:05
Hafliði Breiðfjörð
Agnes Þóra Árnadóttir í Aftureldingu (Staðfest)
Agnes Þóra í leik með KR gegn Stjörnunni í sumar.
Mynd: Fótbolti.net - Hafliði Breiðfjörð
Agnes Þóra í leik með KR gegn Stjörnunni í sumar.
Mynd: Fótbolti.net - Hafliði Breiðfjörð
Kvennalið Aftureldingar fékk í dag mjög góðan liðsstyrk þegar Agnes Þóra Árnadóttir gekk í raðir félagsins frá KR. Agnes Þóra fær leikheimild með Aftureldingu á morgun og getur því spilað með liðinu gegn Breiðablik í 10. umferð Landsbankadeildarinnar annað kvöld.
Agnes Þóra Árnadóttir er tvítug og getur spilað sem varnarmaður eða framherji. Hún spilaði alla leiki KR á síðustu leiktíð en hefur ekki átt fast sæti í byrjunarliði KR á tímabilinu en hefur komið inná sem varamaður og valdið usla í framlínunni.
Hún lék 5 leiki með liðinu í deildinni í sumar og skoraði í þeim eitt mark, gegn Stjörnunni í 5. umferð deildarinnar.
Hún er fjórði leikmaðurinn sem Afturelding fær til sín í félagaskiptaglugganum því áður höfðu þær Andrea Ýr Gústavsdóttir, Anna Garðarsdóttir og María Rós Arngrímsdóttir komið frá Val.
Hún er annar leikmaðurinn sem fer frá KR í glugganum því áður hafði Lilja Dögg Valþórsdóttir gengið í raðir HK/Víkings.
Hún lék 5 leiki með liðinu í deildinni í sumar og skoraði í þeim eitt mark, gegn Stjörnunni í 5. umferð deildarinnar.
Hún er fjórði leikmaðurinn sem Afturelding fær til sín í félagaskiptaglugganum því áður höfðu þær Andrea Ýr Gústavsdóttir, Anna Garðarsdóttir og María Rós Arngrímsdóttir komið frá Val.
Hún er annar leikmaðurinn sem fer frá KR í glugganum því áður hafði Lilja Dögg Valþórsdóttir gengið í raðir HK/Víkings.
