Henrik Larsson ráðinn þjálfari Landskrona (Staðfest)

Larsson, sem er 38 ára, lagði skóna á hilluna í október eftir farsælan feril þar sem að hann lék meðal annars með Feyenoord, Celtic, Barcelona og Manchester United.

,,Þetta tilboð er mikill heiður fyrir mig þar sem að ég hef ekki meiri reynslu en þetta af þjálfun,\" sagði Larsson á fréttamannafundi í dag.

,,Ég hlakka til að takast á við starfið og við munum sjá hvað ég get gert.\"

Landskrona leikur í næstefstu deild í Svíþjóð en liðið endaði í áttunda sæti á síðustu leiktíð.