Sóknarmaðurinn Íris Ösp Gunnarsdóttir er mætt í FHL frá Sindra.
Íris er fædd árið 2009 og skrifar undir samning út þetta tímabil.
Á síðustu leiktíð skoraði hún fimm mörk með Sindra í 2. deildinni en alls hefur hún spilað 39 leiki og skorað 10 mörk í deild- og bikar á þremur tímabilum í meistaraflokki.
FHL spilaði í Bestu deildinni í fyrsta sinn í sögu félagsins á síðustu leiktíð en féll aftur niður í Lengjudeildina. Samstarf er á milli Sindra og FHL um að leikmenn Sindra geti spilað með liðinu í meistara- og 2. flokki, en Hornfirðingar verða ekki með lið í sumar.
