Luke Shaw, vinstri bakvörður Manchester United, segir að það eigi ekki að vera leyfilegt að spila á gervigrasi í Meistaradeildinni.
Man Utd tapaði gegn Young Boys í Sviss í gær, en leikið var á gervigrasvelli svissneska liðsins.
Frammistaða United var ömurleg og segir Shaw að gervigrasið hafi ekki verið eina ástæðan fyrir frammistöðunni en það hafi spilað sinn þátt í henni.
„Það er ekki hægt að kenna vellinum um, en það á ekki að vera möguleiki að spila á svona velli í Meistaradeildinni. Það er hættulegt. Það er erfitt að snúa á gervigrasi," sagði Shaw.
„En svona er fótboltinn. Við verðum að halda áfram og hugsa um næsta leik sem er um helgina."
Athugasemdir