Ásgeir Börkur í Selfoss á láni frá Fylki (Staðfest)

Ásgeir Börkur þekkir til hjá Selfyssingum en hann var á láni hjá félaginu í fyrra og hjálpaði því þá að komast upp í fyrstu deildina.

Þessi kant og sóknarmaður hefur komið við sögu í fimm leikjum hjá Fylki í sumar og skorað eitt mark, gegn Víði Garði í Visa-bikarnum.

Selfyssingar hafa leikið vel í fyrstu deildinni í sumar og eru í öðru sæti en Ásgeir Börkur er annar leikmaðurinn sem kemur til liðsins eftir að félagaskiptaglugginn opnaði.

Áður hafði Kristján Óli Sigurðsson samið við Selfyssinga um að leika með liðinu út sumarið.