Hin hliðin - Hugrún Pálsdóttir (Tindastóll)

Fullt nafn: Hugrún Pálsdóttir

Gælunafn: sumar í liðinu kalla mig Hugga

Aldur: 25

Hjúskaparstaða: á föstu

Hvenær lékstu þinn fyrsta leik með meistaraflokki: 2012, 15 ára

Uppáhalds drykkur: pepsi max

Uppáhalds matsölustaður: tokyo sushi er go to þegar ég fer suður

Hvernig bíl áttu: á ekki bíl!

Uppáhalds sjónvarpsþáttur: úff svo margir! Greys er þarna á toppnum og New girl svo eitthvað sé nefnt

Uppáhalds tónlistarmaður: á engan uppáhalds en Valdimar Guðmundsson eða Friðrik Dór koma sterkir til greina

Uppáhalds hlaðvarp: Þarf alltaf að vera grín?

Fyndnasti Íslendingurinn: Saga Garðars

Hvernig hljómar síðasta sms sem þú fékkst: Whohoo

Hvaða liði myndir þú aldrei spila með: ég segi aldrei aldrei

Besti leikmaður sem þú hefur mætt: ætli það sé ekki Gunnhildur Yrsa eða Sif Atla

Besti þjálfarinn sem hefur þjálfað þig: Donni

Mest óþolandi leikmaður sem þú hefur mætt: Áslaug Munda, erfitt að nota hraðann til að komast framhjá henni

Hver var fyrirmyndin þín í­ æsku: Fyrirmyndin í fótboltanum var Margrét Lára

Sætasti sigurinn: örugglega fyrsti sigurinn okkar í efstu deild á móti ÍBV heima

Mestu vonbrigðin: Við höfum oftar en einu sinni tapað titli á heimavelli án þess að tapa leiknum, þá endar í jafntefli og úrslitin ráðast á markatölu, það er vel svekkjandi. Eða líka tapa bikar eftir vítaspyrnukeppni á heimavelli

Uppáhalds lið í enska: Liverpool

Ef þú fengir að velja einn leikmann úr öðru íslensku liði í þitt lið: Gunnhildur Yrsa

Efnilegasti knattspyrnumaður/kona landsins: Elísa Bríet Björnsdóttir, virkilega efnileg

Fallegasti knattspyrnumaðurinn á Íslandi: ég hef heyrt að sænsku tvíbbarnir í mfl kk Tindastóls séu bráðmyndarlegir

Fallegasta knattspyrnukonan á Íslandi: Aldís María Jóhannsdóttir

Besti knattspyrnumaðurinn frá upphafi: Messi

Hver er mesti höstlerinn í­ liðinu: Anna Margrét

Uppáhalds staður á Íslandi: Krókurinn

Segðu okkur frá skemmtilegu atviki sem gerst hefur í leik: Ég hljóp einu sinni niður dómarann í leik og lágum bæði kylliflöt eftir það. Kannski ekki skemmtilegt en það var mjög fyndið eftir á

Ertu með einhverja hjátrú tengda fótbolta: ef mér gekk vel í leik eða á æfingu í ákveðnum íþróttatoppi þá reyni ég að nota sama topp í næsta leik

Fyrir utan knattspyrnu, fylgist þú með öðrum íþróttum: Ég er Króksari þannig það er ekki annað hægt en að fylgjast með körfubolta þegar Stólarnir keppa. Fylgist svolítið með Crossfit líka

Í hvernig fótboltaskóm spilar þú: Adidas X

Í hverju varstu/ertu lélegust í­ skóla: Sögu eða náttúrufræði

Vandræðalegasta augnablik: Ég var komin í góða stöðu inn í teig í leik í fyrra og rann svo beint fyrir framan markið og dómarinn dæmdi, hélt ég hefði náð að fiska víti en þá gaf hann mér gult spjald fyrir leikaraskap

Hvaða þrjá leikmenn tækir þú með þér á eyðieyju og af hverju: myndi taka Bryndísi Rut fyrirliða, hún er góð að smíða og redda málunum sama hvað það er og svo Aldísi Maríu og Hrafnhildi Björns fyrir gæðafélagsskap

Sturluð staðreynd um sjálfan þig: Ég byrjaði fótboltaferilinn sem markmaður og var meira að segja fengin til að keppa leiki með strákunum í yngri flokkunum. Pabbi var alls ekki sáttur þegar ég ákvað að hætta í marki þar sem hann var alveg viss um að ég myndi enda í landsliðinu sem markmaður

Hvaða samherji hefur komið þér mest á óvart eftir að þú kynntist honum og af hverju: Hannah Cade þegar hún kom í fyrra (og er með okkur ennþá), lítil og smávaxin en fáránlega vinnusöm og bara grjótharður miðjumaður

Hverju laugstu síðast: að ég væri að hlusta

Hvað er leiðinlegast að gera á æfingum: Einhverjar svona keep ball æfingar með engum mörkum

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Ég veit það ekki, ætli ég myndi ekki spurja stjórn ÍTF hvaða ár sé hjá þeim