Real Madrid sýnir Mac Allister áhuga - Greenwood eftirsóttur - Mourinho til Tyrklands? - Slot vill fá Silva
   mið 17. apríl 2024 14:34
Elvar Geir Magnússon
Dani Alves tekinn aftur saman við eiginkonu sína
Dani Alves og Joana Sanz.
Dani Alves og Joana Sanz.
Mynd: Getty Images
Dani Alvez, fyrrum leikmaður Barcelona og Brasilíu, var fyrr á árinu dæmdur í fjögurra og hálfs árs fangelsi fyrir nauðgun. Hann áfrýjaði dómnum og gengur nú laus eftir að hafa borgað tryggingagjald.

Alvez bíður eftir að áfrýjunin verði tekin fyrir en á meðan hefur hann tekið aftur saman við eiginkonu sína, Joana Sanz.

Sanz sýndi frá því á samfélagsmiðlum að hún væri byrjuð að undirbúa skilnað eftir að Alvez var fundinn sekur um að hafa naugað konu á skemmtistað í Barcelona.

Parið virðist hinsvegar hafa leyst úr sínum ágreiningi og Sanz birti mynd af þeim haldast í hönd en bæði eru með húðflúrið '1+1=1' á hendinni.

Þá hefur slúðurblaðið Diez Minutos birt myndir af parinu leiðast um götur Barcelona en Alves er klæddur í sömu föt og þegar hann þurfti að gefa sig fram til skilorðsfulltrúa síns síðastliðinn föstudag.
Athugasemdir
banner
banner
banner