Samningur Alexandre Lacazette, framherja Arsenal, rennur út næsta sumar og félagið hefur enn ekki boðið leikmanninum nýjan samning.
Þessi þrítugi Frakki hefur einungis spilað tvo leiki á þessu tímabili og báðir hafa þeir komið af varamannabekknum. Hann kom inn á í 6-0 sigrinum á WBA í deildabikarnum og þar skoraði hann eitt mark.
Mikel Arteta, stjóri Arsenal, neitaði því á dögunum að Lacazette væri ekki í plönum hans. Arteta segir að hann muni spila stóra rullu en félagið hefur hins vegar enn ekki boðið honum nýjan samning.
Arsenal var eitt þeirra liða sem eyddi mestum pening í leikmannakaup í sumar. Liðið keypti Ben White, Martin Odegaard og Aaron Ramsdale svo eitthvað sé nefnt.
Áhugavert verður að sjá hvað gerist með Lacazette en félagið er talið ætla einblína á að styrkja aðrar stöður á vellinum og sleppa því að framlengja við Frakkann.
Athugasemdir