Lazio er síðasta liðið til að tryggja sér sæti í 8-liða úrslitum ítalska bikarsins eftir 2-1 sigur á Parma í kvöld.

Lazio var með yfirhöndina í fyrri hálfleik og kom Marco Parolo knettinum í netið. Heimamenn í Róm voru óheppnir að tvöfalda ekki forystuna fyrir leikhle.

Síðari hálfleikur var jafnari þar sem gestirnir frá Parma voru hættulegri. Þeir náðu þó ekki að gera jöfnunarmark fyrr en á lokakaflanum þegar Valentin Mihaila kom knettinum í netið.

Þegar allt stefndi í framlengingu leit sigurmark dagsins ljós. Simone Colombi varð þá fyrir því óláni að setja boltann í eigið net og 2-1 sigur Lazio staðreynd.

Lazio mætir Atalanta í stórleik í 8-liða úrslitum. Þar má einnig finna Napoli, Inter, Milan og Juventus auk Spezia og Spal.