Chelsea hefur áhuga á Openda - Arsenal vill Onana - Chelsea hafnar tilboði Atletico
Fagnaði langþráðum sigri ÍA gegn KR - „Fékk afbrigði af Covid sem enginn hefur fengið"
Ingvar Jóns skilur ekkert: Hugsaði aldrei að hann myndi dæma víti
Arnar Gunnlaugs fámáll - „Umræðan um Víking er orðin fáranleg“
Arnar Grétars: Mér fannst við miklu betri í dag
Gylfi: Ingvar reyndi að taka mig á taugum
Þorsteinn Aron: Ömurlegir í fyrri og alvöru karakter að koma til baka
Viktor Jóns: Loksins að sýna hvað ég get
Rúnar Kristins: Auðveldara að sækja gegn vindinum en með
Jón Þór: Fyllilega verðskuldað og rúmlega það
Emil Atla: Ánægður með árásargirnina hjá okkar liði
Heimir: Varnarleikur liðsins er bara ekki nógu góður
Jökull: Hann tók þetta í sínar eigin hendur
Ómar Ingi: Við þurftum að fara út og gera bara eitthvað
Gregg Ryder: Ég þigg þá hjálp sem Óskar hefur að bjóða
Ólafur Kristófer átti nokkrar úrslitavörslur: Gekk vel hjá mér í dag
Davíð segir sterku röddina oft vera ástæðuna fyrir spjöldum
Rúnar Páll: Settum þetta upp eins og úrslitaleik
Gunnar: Engin skömm að tapa fyrir Val
Pétur Péturs: Ósáttur með fyrri hálfleikinn
„Farin að sýna okkur það sem ég hef vitað að hún hefur getað síðan hún var 14 ára”
   þri 21. maí 2024 11:11
Sæbjörn Þór Þórbergsson Steinke
Sveinn Margeir ósammála Mána: Geggjað tækifæri í námi og fótbolta
Markinu í gær fagnað.
Markinu í gær fagnað.
Mynd: Fótbolti.net - Sævar Geir Sigurjónsson
Lagleg afgreiðsla.
Lagleg afgreiðsla.
Mynd: Fótbolti.net - Sævar Geir Sigurjónsson
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Máni Pétursson.
Máni Pétursson.
Mynd: Fótbolti.net - Hafliði Breiðfjörð
„Þetta var heldur tæpt fyrir minn smekk, við byrjuðum þetta mjög vel, komumst í 3-0 en svo er eitthvað einbeitingarleysi hjá okkur í seinni og við fáum á okkur tvö mörk. Við eigum bara að vera búnir að drepa leikinn. En geggjað að fá Geira rakettu í gegn og klára þetta fyrir okkur," sagði Sveinn Margeir Hauksson, einn af markaskorurum KA, við Fótbolta.net eftir sigurinn á Fylki í gær.

KA komst í 3-0 í leiknum en Fylkir náði heldur betur að gera leikinn spennandi í seinni hálfleiknum.

Lestu um leikinn: KA 4 -  2 Fylkir

„Ég eiginlega skil það ekki. Við erum búnir að gera þetta aðeins í sumar, frammistaðan hefur verið mjög góð á köflum en svo kemur bara tímabil þar sem er eitthvað einbeitingarleysi. Það er alveg pirrandi. Við höfum verið að byrja leiki og fengið mark á okkur snemma, þurft að koma til baka. Það er eitthvað sem við þurfum að græja."

„Þetta var svipað 'vibe' og á móti HK í fyrsta leik, við vorum að vaða í færum en þá vildi hann ekki inn. Núna gekk þetta,"
sagði Sveinn Margeir sem var sammála því að fyrri hálfleikurinn hafi verið besti hálfleikur KA á tímabilinu.

Sveinn skoraði fyrsta mark KA í leiknum með laglegri vippu eftir frábæra stungusendingu frá Ívari Erni Árnasyni.

„Það var geggjuð sending frá Ívari í gegn og í raun ekki mikið eftir að gera fyrir mig, bara taka ákvörðun og það gekk."

Sveinn hefði hæglega getað skorað annað mark seinna í fyrri hálfleiknum. Hann var kominn framhjá Ólafi í marki Fylkis en skotið hans fór í þverslána.

„Úff, ég væri til í að tala ekki um það, það var alveg galið. Ég var með Grímsa (Hallgrím Mar) með mér, hefði getað sent á hann. Þegar ég tók skotið þá var ég búinn að þvinga sjálfan mig í skotið. Þetta á bara alltaf að vera inni, þetta er svolítið búið að vera sláin/stöngin út hjá mér í sumar."

Hann nefndi í upphafi augnablikið þegar Ásgeir innsiglaði sigurinn, Viðar Örn Kjartansson átti laglega stoðsendingu á fyrirliðann. „Geðveikt, maður er búinn að bíða eftir því. Viðar er búinn að vera flottur á æfingum."
   10.05.2024 13:09
Sveinn Margeir fer í UCLA (Staðfest)

Sveinn er á leiðinni til Bandaríkjanna seinna í sumar. Hann er á leið í meistaranám í fjármálaverkfræði við UCLA.

„Ég var ekki búinn að ákveða að fara, svo var staðan þannig að ég var búinn að klára skólann hér á Íslandi og var löngu kominn inn í ferlið (löngu búinn að sækja um). Ég ákvað að athuga mína möguleika og eftir að hafa athugað aðstæður úti þá var mjög erfitt að segja nei."

Nám við UCLA er alls ekki gefins, miklir fjármunir í spilunum.

„Klárlega, maður hugsar þannig ef að maður færi út til Evrópu að spila og fengi að læra á sama tíma, þá væri það engin spurning. Þetta er bara geggjað og ég er gríðarlega spenntur fyrir því."

„Það er ömurlegt (að ná ekki að klára tímabilið hér). Ég reyni að hugsa ekki um það, er að reyna hugsa um einn leik í einu og gefa allt í þetta. Auðvitað verður leiðinlegt að fara frá strákunum á miðju tímabili."


Vill ekki meina að hann sé að kasta inn handklæðinu
Fjölmiðlamaðurinn Máni Pétursson ræddi um ákvörðun Sveins að fara í háskólanám í útvarpsþættinum Fótbolta.net í vetur. „Mér finnst hann eiginlega vera kasta inn handklæðinu. Sorry, með allri virðingu fyrir því að þú sért að fara í nám til Bandaríkjanna og allt það, þá finnst mér hann smá vera kasta inn handklæðinu of snemma. Ég er hrifinn af því dæmi að fara til Bandaríkjanna, en ég er á því að þegar Sveinn Margeir er á deginum sínum þá finnst mér hann það góður að félög í Skandinavíu séu að fara að kaupa hann. Ég upplifi oft að menn séu að fara í háskólanám í Bandaríkjunum af því þeir eru ekki að sjá sénsinn koma í atvinnumennsku," sagði Máni.
   05.02.2024 16:38
„Mér finnst hann eiginlega vera að kasta inn handklæðinu"

Sveinn var spurður út í ummæli Mána.

„Já (ég skil hann), en það er alls ekki mín skoðun. Það væri aldrei staðan að ég væri að taka eitthvað til að fórna fótboltanum. Þetta er bara geggjað tækifæri í báðu (námi og fótbolta)."

„Stór partur af þessu var að fara í lið með miklar tengingar (fótboltalega) og reyna mitt besta að halda áfram. Númer 1,2 og 3 ef ég fer ekki eitthvað í þessu ferli þá er ég 100% að koma heim, miðað við aðstæðurnar úti, sem betri leikmaður. Ég þyrfti að vera eitthvað afslappaður svo það myndi ekki gerast,"
sagði Sveinn Margeir. Markið hans frá því í gær má sjá í spilaranum hér að neðan.

Athugasemdir
banner
banner
banner