Ísland mætir á þriðjudag Úkraínu í úrslitaleik um sæti á EM í sumar. Úkraína lagði Bosníu í gær með endurkomusigri og íslenska vann 1-4 gegn Ísrael.

Leikurinn á þriðjudag fer fram á heimavelli Slask Wroclaw sem spilar í pólsku úrvalsdeildinni.

Eftir að upprunalegi hópurinn hjá Úkraínu fyrir þetta landsliðsverkefni var tilkynntur ákvað Sergey Rebrov, þjálfari liðsins, að bæta við þeim Oleksandr Tymchyk og Oleksii Hutsulyak inn í hópinn svo alls eru 28 leikmenn í úkraínska æfingahópnum.

Fimm voru því utan hóps þegar liðið mætti Bosníu í gær.

Í hópnum eru sextán leikmenn sem spila í úkraínsku deildinni, fjórir úr ensku úrvalsdeildinni, fjórir úr La Liga á Spáni og svo fjórir sem spila annars staðar í Evrópu.

Stærstu stjörnurnar í hópnum eru þeir Mkhailo Mudryk sem spilar með Chelea og Oleksandr Zinchenko sem spilar með Arsenal. Þá er Andriy Lunin aðalmarkvörður Real Madrid sem stendur á meðan Thibaut Courtois jafnar sig á meiðslum.

Framherjinn Artem Dovbyk hefur skorað fjórtán mörk í La Liga með Girona á tímabilinu og Georgy Sudakov sem er 21 árs og spilar með Shakhtar hefur verið orðaður risalið í Evrópu. Zinchenko var fyrirliði gegn Bosníu.

Reynsluboltarnir Andriy Yarmolenko, Taras Stepanenko og Yevhen Konoplyanka eru ekki í hópnum en þeir eiga samanlagt tæplega 300 landsleiki.