Ítalski sóknarmaðurinn Mario Balotelli skoraði og lagði upp þegar lið hans, Adana Demirspor, kom til baka og náði í 3-3 jafntefli gegn Besiktas í tyrknesku úrvalsdeildinni í gærkvöld.
Adana Demirspor lenti 3-0 undir en sýndi magnaðan karakter með því að koma til baka.
Balotelli gleymir ekki. Árið 2013 þá átti sér stað frægt atvik í æfingaleik hjá Manchester City; Balotelli hælaði boltann fram hjá þegar hann var einn á móti markverði, og var í kjölfarið skipt beinustu leið af velli.
Sergen Yalcin, fyrrum landsliðsmaður Tyrklands, var að vinna sem sérfræðingur á þeim tíma og hann sagði Balotelli vera „heilalausan".
Yalcin er í dag þjálfari Besiktas og ákvað Balotelli að fagna fyrir framan þjálfarann með því að benda á hausinn á sér. Hann kveðst vera með heila, þrátt fyrir að vera nú ekki endilega skarpasti hnífurinn í skúffunni.
Birkir Bjarnason er liðsfélagi Balotelli hjá Adana Demirspor og spilaði íslenski landsliðsmaðurinn allan leikinn í gær.
Besiktas coach once said that Balotelli had no brain. Today Balotelli scored his first goal against them and did this infront of him.
— 𝐔𝐍𝐃𝐄𝐑𝐑𝐀𝐓𝐄𝐃 𝐍𝐈𝐍𝐉𝐀 (@iamjoseh_) September 21, 2021
Absolute shithousery 😂 pic.twitter.com/Q3tT8GmNkZ
Athugasemdir