2. deild: Haukar í Lengjudeildina

Hafnfirðingar vissu fyrir leik að sigur myndi tryggja þeim sæti í Lengjudeildinni.

Sigurður Hrannar braut ísinn á 36. mínútu eftir sendingu frá Pablo Punyed. Fyrsta snertingin var ekki sú besta en Sigurður gafst ekki upp, elti boltann og kom honum í netið.

Hann bætti við öðru marki þegar tæpur hálftími var eftir en Hjörtur Freyr Ævarsson minnkaði muninn fyrir Dalvík/Reyni á 73. mínútu.

Haukar létu markið ekki slá sig út af laginu. Jón Gísli Stefánsson kom liðinu aftur í tveggja marka forystu áður en Sigurður fullkomnaði þrennuna aðeins tveimur mínútum síðar.

Rúnar Helgi Björnsson minnkaði muninn fyrir Dalvíkinga en Ólafur Darri Sigurjónsson átti lokaorðið í uppbótartíma og gulltryggði 5-2 sigur Hauka og sætið í Lengjudeildinni.

Haukar snúa því aftur í Lengjudeildina eftir sjö ára dvöl í 2. deild. Liðið er á toppnum með 44 stig, átta stigum meira en Selfoss sem er í öðru sæti.

Viðar Örn Kjartansson skoraði tvennu fyrir Selfoss sem vann Þrótt Vogum, 3-1. Viðar er markahæstur deildarinnar með 21 mark og Selfyssingar færast nær Lengjudeildinni með hverjum leiknum.

Kári vann mikilvægan 1-0 sigur á Fjölni. Sigurjón Logi Bergþórsson skoraði eina mark leiksins á 18. mínútu.

Kári berst við Selfoss um annað sætið og er nú í 3. sæti með 33 stig.

Magni vann Víking Ólafsvík, 3-1, og KFA valtaði yfir Hvíta riddarann, 6-0. Patrekur Aron Grétarsson skoraði tvennu fyrir KFA sem er í 5. sæti með 26 stig.

Haukar 5 - 2 Dalvík/Reynir
1-0 Sigurður Hrannar Þorsteinsson ('36 )
2-0 Sigurður Hrannar Þorsteinsson ('65 )
2-1 Hjörtur Freyr Ævarsson ('73 )
3-1 Jón Gísli Stefánsson ('74 )
4-1 Sigurður Hrannar Þorsteinsson ('76 )
4-2 Rúnar Helgi Björnsson ('88 )
5-2 Ólafur Darri Sigurjónsson ('92 )
Lestu um leikinn

Magni 3 - 1 Víkingur Ó.
1-0 Viðar Már Hilmarsson ('7 )
1-1 Guðmundur Magnússon ('19 )
2-1 Guðni Sigþórsson ('74 )
3-1 Gunnar Darri Bergvinsson ('78 )

Þróttur V. 1 - 3 Selfoss
0-1 Viðar Örn Kjartansson ('19, víti )
1-1 Almar Máni Þórisson ('28 )
1-1 Elías Karl Heiðarsson ('54 )
1-2 Viðar Örn Kjartansson ('81 )

KFA 6 - 0 Hvíti riddarinn
1-0 Nenni Þór Guðmundsson ('2 )
2-0 Jawed Abd El Resak Boumeddane ('15 )
3-0 Patrekur Aron Grétarsson ('25 )
4-0 Ísak Eldur Ófeigsson ('47 )
5-0 Patrekur Aron Grétarsson ('56 )
6-0 Þór Sigurjónsson ('82 )

Kári 1 - 0 Fjölnir
1-0 Sigurjón Logi Bergþórsson ('18 )