Balotelli fær líklega að spila sinn fyrsta leik fyrir Brescia gegn Juventus í Seríu A á morgun en hann var í leikbanni fyrstu fjóra leiki tímabilsins.

Hann kom til Brescia á frjálsri sölu í ágúst eftir að hafa átt fínt tímabil með Marseille þar á undan.

Cristiano Ronaldo, einn besti knattspyrnumaður heims, verður í eldlínunni gegn Brescia en Balotelli er eiginlega alveg sama.

„Hann er mikill meistari og bestur í heimi ásamt Lionel Messi. Það er gaman að spila gegn honum en ég verð ekkert spenntur fyrir því. Ég mun reyna að skora mörk eins og í öllum öðrum leikjum sem ég spila," sagði Balotelli.