Rætt var um kostnað, umfang og fleiri þætti. Umspil er framkvæmanlegt en félaganna er að taka ákvörðun um hvort af því verði. Kynna þarf málið betur að mati mótanefndarinnar.

Guðni Bergsson, formaður KSÍ, talaði um umspil í Inkasso-deildinni í fréttum Stöðvar 2 í september. Þar nefndi hann meðal annars hugmynd um að efsta lið deildarinnar færi upp í Pepsi Max-deildina en liðin í 2.-5. sæti færu í umspil um annað laust sæti.

Á síðasta stjórnarfundi KSÍ var einnig tilkynnt að verið sé að skoða að búa til varaliðskeppni í meistaraflokki. Mótanefnd kannar nú áhuga á þátttöku í slíku móti meðal félaga í Inkasso og Pepsi Max deildum.

Á árum áður var til varaliðskeppni undir nafninu 1. flokkur en talsvert langt er síðan að sú keppni var lögð niður.