Maggi: Pirrandi, ódýr og hreinlega ósanngjarn dómur

„Mjög furðulegur leikur að mínu mati" sagði Magnús Már Einarsson þjálfari Aftureldingar eftir tapið í kvöld.

„Við erum miklu betri fyrstu 25 mínúturnar og finnst í raun bara tímaspursmál hvenær við myndum skora fyrsta markið" 

„Svo er hornspyrna sem að Þróttur á sem er ein af þeirra fyrstu sóknum í leiknum og dómarinn dæmir vítaspyrnu. Ef hann ákveður að dæma vítaspyrnu þarna þá þarf hann að dæma vítaspyrnu í hverju einasta horni því að menn takast á og þarna finnst mér hann bara færa þeim vítaspyrnu á silfurfati. Það er ekkert í þessu atviki, það gefur þeim innspýtingu að vera komnir allt í einu 1-0 yfir í hörkuleik, Þróttur er með frábært lið þannig að auðvitað gengu þeir á lagið, fengu vítaspyrnu á silfurfati og nýttu sér það. Mér fannst það pirrandi í þessu, fannst þessi vítaspyrnudómur mjög ódýr og hreinlega ósanngjarn."

„Eftir það þá bregðumst við ekki nógu vel við og þeir gengu á lagið og ganga svona þannig séð frá þessum leik í fyrri hálfleik en ég er ánægður með trúnna í strákunum og við héldum áfram allan tímann og mér fannst síðustu tuttugu mínúturnar, þó leikurinn hafi svolítið verið búin að því leytinu til" 

„Ég var ánægður með að menn héldu áfram og mér fannst við vera sterkari þá og skorum frábært mark og mér fannst við vera ofan á þar þannig ég var ánægður með svarið þar og menn héldu áfram allan tíman og höfðu trú og það er það sem við stöndum fyrir þannig ég tek það út úr þessu" sagði Magnús Már Einarsson. 

Nánar er rætt við Magnús Már Einarsson þjálfara Aftureldingar í spilaranum hér fyrir ofan.