Barcelona hefur ekki gengið vel undir stjórn Koeman í vetur og hefur hann sjálfur verið orðaður við sparkið.

Eins og staðan er situr Barcelona í fjórða sæti deildarinnar og er tíu stigum á eftir toppliði Atletico Madrid.

Hollendingurinn vonast til að fá fjármagn á næstu vikum en veit að það er ekki gefið.

„Staðan mín er þekkt: við þurfum á leikmönnum að halda en þar spila fjármál félagsins inn í," sagði Koeman.

„Við erum öll að hugsa það sama. Ef enginn kemur til okkar þá sætti ég mig við það og við höldum áfram. Ef við viljum meira þá þurfum við leikmenn."