Sterkasta lið 3. umferðar - KR í draumaferð til Eyja

Íslandsmeistarar Víkings unnu 3-2 sigur gegn Stjörnunni í stórleik umferðarinnar. Elías Már Ómarsson skoraði tvö mörk fyrir Víking og er leikmaður umferðarinnar.

Valsmenn hrukku í gír og unnu 3-0 sigur gegn ÍBV þar sem Tryggvi Hrafn Haraldsson var valinn maður leiksins en hann átti tvær stoðsendingar. Adam Ægir Pálsson og Hólmar Örn Eyjólfsson skoruðu báðir í leiknum.

Þórsarar unnu baráttusigur gegn Fram 1-0 í sínum fyrsta heimaleik á tímabilinu. Sebastian Haugland skoraði glæsilegt sigurmark, Yann Emmanuel Affi var klettur í vörninni og Aron Birkir Stefánsson markvörður hélt hreinu og átti alvöru hetjuvörslu.

Miðvörðurinn ungi Davíð Helgi Aronsson var valinn maður leiksins fyrir Keflavík í markalausu jafntefli gegn Breiðabliki í fyrsta grasleik sumarsins. Þá var Haukur Andri Haraldsson maður leiksins í 1-1 jafntefli ÍA og KA í Akraneshöllinni.

Sjá einnig:

TENGT EFNI13.04.26 - 00:10

Sterkasta lið 1. umferðar - Sautján ára á miðjunni með Gylfa

TENGT EFNI18.04.26 - 00:25

Sterkasta lið 2. umferðar - Krummi stórkostlegur

Adam Ægir, Hörður Ingi og Hólmar Örn skoruðu mörkin er Valsmenn gengu frá FH í fyrri hálfleik! ???????????? #bestadeildin pic.twitter.com/IXTs2tf3Om

— Besta deildin (@bestadeildin) April 23, 2026