Grindavík og ÍBV sameinast í 2. flokki kvenna

„Það er gaman að sjá þessi tvö bæjarfélög og félög starfa saman á þessum vettvangi. Við höfum fulla trú að með þessu sé verið að búa til grundvöll til að stelpurnar á þessum aldri geti verið að keppa á hæsta stigi," segir í tilkynningu frá ÍBV.

Miklar og góðar tengingar eru á milli bæjarfélagana en einnig eiga þau það sameiginlegt að hafa orðið fyrir barðinu á náttúruhamförum.

„Það hafa ávallt verið góðar tengingar á milli Eyja og Grindavíkur enda fólk sem hefur dugnað og eljusemi að leiðarljósi. Þá hefur fólk úr báðum bæjarfélögum orð á sér fyrir að vera höfðingjar heim að sækja og kunna að skemmta sér og öðrum. Atburðir síðustu mánaða hafa síðan enn frekar eflt tengsl íbúanna," segir einnig í tilkynningunni.