Gunnar Heiðar Þorvaldsson skoraði í 1-1 jafntefli Íslands og Kanada 2007.
Kanada og Ísland mætast í vináttulandsleik klukkan 17 að íslenskum tíma í Toronto á laugardaginn. Leikurinn fer fram á BMO Field leikvanngum en þar verður keppt á HM í sumar.
KSÍ fjallar um það í aðdraganda leiksins að Ísland og Kanada hafa fjórum sinnum áður mæst í A-landsliðum karla og í öllum tilfellum hefur verið um vináttuleiki að ræða.
Tvisvar hafa liðin skilið jöfn og tvisvar hefur Ísland fagnað sigri. Þrír leikjanna hafa verið í janúarglugga og því ekki á opinberum landsleikjadögum.
Fyrst mættust liðin á Laugardalsvelli árið 2007 og gerðu 1-1- jafntefli þar sem Gunnar Heiðar Þorvaldsson skoraði mark Íslands. Hörður Snævar Jónsson textalýsti leiknum hér á Fótbolta.net:
22.08.2007 19:06
ÍSLAND 1 - 1 KANADA: Leik lokið
Því næst léku liðin tvo leiki í Flórída í janúar 2015 þar sem Ísland vann fyrri leikinn 2-1 (mörk Íslands skoruðu Kristinn Steindórsson og Matthías Vilhjálmsson) og 1-1 jafntefli (mark Íslands skoraði Hólmbert Friðjónsson) var niðurstaðan í seinni leiknum.
20.01.2015 22:55
Sjáðu svipmyndir úr seinni leik Íslands og Kanada
Loks mættust liðin í Kaliforníu í janúar 2020 og þar vann íslenska liðið 1-0 sigur með marki frá Hólmari Erni Eyjólfssyni.
16.01.2020 09:33
Sjáðu allt það helsta úr leik Íslands og Kanada
Næsta þriðjudag mun Ísland svo mæta Haítí í vináttulandsleik sem einnig verður í Kanada. Ísland og Haíti hafa aldrei áður mæst í A-landsliðum karla og raunar hefur ekkert íslenskt fótboltalandslið áður mætt Haítí.
Athugasemdir
