Werder Bremen tók á móti Eintracht Frankfurt í opnunarleik þýsku Bundesliga í kvöld.

Markavélin Andre Silva kom gestunum yfir snemma leiks og leiddu þeir í leikhléi. Í seinni hálfleik náðu heimamenn að snúa taflinu sér í vil, fyrst jafnaði Theodor Gebre Selassie leikin á 47. mínútu og svo skoraði Josh Sargent það sem reyndist vera sigurmarkið á 62. mínútu.

2-1 lokaniðurstaðan og Werder stoppar Frankfurt sem hafði verið taplaust í deildinni í tvo og hálfan mánuð.

Í þýsku B-deildinni tapaði Darmstadt gegn Karlsruher á heimavelli. Guðlaugur Victor Pálsson lék allan leikinn í liði Darmstadt. Samkvæmt Flashscore lék hann í miðverði í leiknum.