Byrjunarlið KA og Keflavíkur: Grímsi á bekknum - Fimm breytingar á liðunum

Það eru góðar fréttir af KA því liðið endurheimtir algjöran lykilmann í dag. Hallgrímur Mar Steingrímsson er mættur á bekkinn eftir að hafa misst af síðustu tveimur leikjum vegna meiðsla.

Hallgrímur Jónasson, þjálfari KA, gerir þrjár breytingar á sínu liði frá jafnteflinu gegn ÍA í síðustu umferð. Oliver Heiðarsson, Samuel Kroon og Diego Montiel, sem skoraði í síðasta leik, koma inn í liðið. Kári Gautason, Jakob Héðinn Róbertsson og Markús Máni Pétursson taka sér sæti á bekknum.

Haraldur Freyr Guðmundsson, þjálfari Keflavíkur, gerir tvær breytingar á sínu liði frá jafnteflinu gegn Breiðabliki í síðustu umferð. Marin Brigic og Axel Ingi jóhannesson koma inn í liðið en þeir Nacho Heras og Anton Kralj eru ekki með.