Lestu um leikinn: Víkingur Ó. 5 -  6 Víkingur R.

„Við vorum komnir í sókn og svo sé ég allt í einu Atla [Hrafn Andrason] detta niður og hvort sem að leikmaður var með ásetning eða ekki þá allavega stöðvaði hann Atla. Fyrir mér var þetta allavega gult spjald, seinna gula spjaldið."

Aðstoðardómarinn fjær var sá eini í dómaratríóinu sem virtist sjá eitthvað athugavert og í kjölfarið varð niðurstaðan, eftir að rætt hafði verið við bekkinn hjá Víkingi R., að gefa seinna gula spjaldið á Dale.

„Ég held að okkar bekkur hafi séð nokkurn veginn hvað gerðist. Það voru nokkrir á bekknum sem sáu þetta, þó að ég gerði það ekki. Tölum bara um leikinn."

Arnar var í kjölfarið spurður út í gang leiksins.

„Við vorum skítlélegir í fyrri hálfleik. Vorum undir í öllu og markið þeirra var sjokk, fer aðeins í sjálfstraustið á mönnum. Við ræddum málin í hálfleik og leikurinn lagaðist í seinni hálfleik. Það var mikill léttir að ná inn jöfnunarmarkinu."

„Þeir [leikmenn Ólafsvíkur] stóðu sig eins og hetjur, gáfu okkur hrikalega góðan leik. Ég held að þeir eigi eftir að gera góða hluti í Lengjudeildinni í sumar."

Arnar að lokum spurður út í hvort það kæmi til greina að hvíla Kára Árnason gegn FH í næstu umferð Pepsi Max-deildarinnar en Arnar hafði áður í viðtalinu komið inn á það að planið hefði verið að hvíla Kára og Sölva Geir Ottesen í kvöld.

„Ekki séns, það er bara þannig," sagði Arnar um mögulega hvíld Kára.

Viðtalið í heild sinni má sjá í spilaranum hér að ofan.