27.04.12 - 11:54
Magnús Már Einarsson
Tito Vilanova tekur við Barcelona (Staðfest)
Tito Vilanova.
Mynd: Getty Images
Tito Vilanova.
Mynd: Getty Images
Tito Vilanova hefur verið ráðinn þjálfari Barcelona en hann tekur við liðinu af Pep Guardiola eftir tímabilið.
Þetta var staðfest á fréttamannafundi nú rétt í þessu en þar var staðfest að Guardiola muni láta af störfum í sumar.
Þetta var staðfest á fréttamannafundi nú rétt í þessu en þar var staðfest að Guardiola muni láta af störfum í sumar.
Vilanova hefur verið aðstoðarmaður Guardiola síðan hann tók við Barcelona árið 2008 en þeir félagar unnu einnig saman hjá B-liði Barcelona tímabilið 2007/2008.
Hinn 42 ára gamli Vilanova mun þreyta frumraun sína sem aðalþjálfari með lið Barcelona.
Vilanova ólst upp hjá Barcelona á sínum tíma og lék með B-liði félagsins en hann náði ekki að leika deildarleik með aðalliðinu. Í kjölfarið lék hann með Figueres, Celta Vigo, Badajoz, Mallorca, Lleida og Elche.
Í ágúst í fyrra komst Vilanova í fréttirnar þegar Jose Mourinho þjálfari Real Madrid potaði í augað á honum í leik um spænska ofurbikarinn. Mourinho var í kjölfarið úrskurðaður í tveggja leikja bann en myndband af atvikinu má sjá hér að neðan.
Hinn 42 ára gamli Vilanova mun þreyta frumraun sína sem aðalþjálfari með lið Barcelona.
Vilanova ólst upp hjá Barcelona á sínum tíma og lék með B-liði félagsins en hann náði ekki að leika deildarleik með aðalliðinu. Í kjölfarið lék hann með Figueres, Celta Vigo, Badajoz, Mallorca, Lleida og Elche.
Í ágúst í fyrra komst Vilanova í fréttirnar þegar Jose Mourinho þjálfari Real Madrid potaði í augað á honum í leik um spænska ofurbikarinn. Mourinho var í kjölfarið úrskurðaður í tveggja leikja bann en myndband af atvikinu má sjá hér að neðan.
