Gylfi reyndi að sannfæra Birki Má að vera áfram hjá Val

Gylfi Þór Sigurðsson, samherji hans hjá Val í sumar, var einnig samherji hans í landsliðinu til margra ára. Fótbolti.net ræddi við Gylfa sem reyndi að sannfæra Birki um að vera áfram hjá félaginu.

„Þetta er leiðinlegt, ég reyndi mikið að halda honum áfram. Hann stóð fastur á því (að fara), hann er að fara upp í vél á mánudaginn til Svíþjóðar því miður. Ég reyni örugglega að halda áfram að fá hann í eitt tímabil í viðbót," sagði Gylfi.

„Vonandi nýtur hann tímans eftir ferilinn. Þetta er búinn að vera frábær ferill hjá honum. Við áttum frábærar minningar saman á EM og HM í landsliðinu. Það var gaman að spila með honum."